19 და 20 ოქტომბერს საქართველოს ბიზნესის აკადემია-SBA საქართველოს კერძო კოლეჯების ასოციაციის მიერ ორგანიზებულ ტრენინგს უმასპინძლა. ტრენინგების ციკლი ასოციაციის წევრი კოლეჯების შესაძლებლობების გაძლიერების და მხარდაჭერის პროექტის ფარგლებში ჩატარდა. მხარდაჭერის პაკეტი რამდენიმე მიმართულებას გულისხმობდა, მათ შორის სიმულაციურ საავტორიზაციო ვიზიტებს და კოლეგიალურ ვიზიტებს.  პირველი ტრენინგის თემატიკა, რომელიც 19 ოქტომბერს დაიწყო და 27 ოქტომბერს დასრულდება, ხარისხის უზრუნველყოფის პრინციპებს და ავტორიზაციის პირველ სტანდარტს მოიცავს და საქართველოს ბიზნესის აკადემიის-SBA რექტორი, კახაბერ ერაძე უძღვებოდა. პირველ ჯგუფში 17 კოლეჯის 34 წარმომადგენელი მონაწილეობდა. პირველი ეტაპის დასრულების შემდეგ ტრენინგების ციკლი გაგრძელდება და ის ეტაპობრივად, კოლეჯის საქმიანობის ყველა ასპექტს დაფარავს. ტრენინგების ციკლი საქართველოს კერძო კოლეჯების ასოციაციის მიერ არის სუბსიდირებული და ის მხოლოდ ასოციაციის წევრი კოლეჯების პერსონალისთვის არის ხელმისაწვდომი. ტრენინგს შპს ინტერბიზნესის აკადემიიდან ესწრებოდნენ დირექტორი, ინგა მანაშერიძე, ხარისხის მართვის სამსახურის უფროსი, ნაზი წიბლიაშვილი და სასწავლო პროცესის მართვის სამსახურის უფროსი, ლიკა ბინიაშვილი.