დღეს აკადემიაში ჩატარდა სტუმრის დღე. სტუდენტებს თოდუას კლინიკის წარმომადგენლები ელენე ბერაია — ტალანტების მოძიებისა და შერჩევის სპეციალისტი და მადონა ხუციშვილი — ადამიანური რესურსების მენეჯერი, შეხვდნენ . შეხვედრა კითხვა-პასუხის აქტიურ რეჟიმში წარიმართა. სტუდენტებმა სტუმრებისგან მიიღეს ინფორმაცია დასაქმების შესაძლებლობების, მიმდინარე ვაკანსიებისა და იმ მოთხოვნების შესახებ, რომლებიც თანამედროვე შრომის ბაზარზე წარმატებისთვის მნიშვნელოვანია. შეხვედრები ასეთ ფორმატში კიდევ უფრო აძლიერებს აკადემიასა და დამსაქმებლებს შორის თანამშრომლობას და სტუდენტებს რეალურ კარიერულ შესაძლებლობებთან აკავშირებს.

- ინფომაციის ტექნოლოგიის მხარდამჭერი   - საფინანსო სერვისები

29 მაისს ჩატარდა საექთნო უნარების პირველი ეროვნული კონკურსი — „პროფესიონალიზმი და პაციენტის უსაფრთხოება“. ღონისძიება საქართველოს კერძო კოლეჯების ასოციაციის ორგანიზებით ჩატარდა და მასში მონაწილეობა 13 პროფესიული სასწავლებლის 40-მდე სტუდენტმა მიიღო. კონკურსში გამარჯვებული ინტერბიზნესის აკადემიის "საექთნო საქმი" პროფესიული პროგრამის სტუდენტი ეკატერინე ხუდოიანი გახდა. ასევე, პირველად საქართველოში, ეკატერინე დაჯილდოვდა „მომავლის ექთნის“ წოდებითა და ოქროს მედლით. განსაკუთრებით სასიხარულოა, რომ კონკურსში მიღწეული წარმატების შედეგად, ეკატერინე ექსპერტებთან ერთად მონაწილეობას მიიღებს შვეიცარიაში დაგეგმილ საერთაშორისო კონფერენციაში. ვულოცავთ ეკატერინეს ამ მნიშვნელოვან გამარჯვებას, უსურვებთ კიდევ უფრო დიდ პროფესიულ წარმატებებსა და ახალ მიღწევებს! ვამაყობთ, რომ პირველი ეროვნული კონკურსის გამარჯვებული სწორედ ინტერბიზნესის აკადემიის სტუდენტია!