ინტერბიზნესის აკადემია ტექნიკური და პროფესიული განათლებისა და ტრენინგის ევროპული ფორუმის (EfVET) სრულფასოვანი წევრი გახდა.EfVET აერთიანებს ევროპისა და პარტნიორი ქვეყნების წამყვან პროფესიულ საგანმანათლებლო ორგანიზაციებს და ხელს უწყობს საერთაშორისო თანამშრომლობის განვითარებას, ცოდნის გაზიარებასა და განათლების ხარისხის გაუმჯობესებას.აკადემიისთვის ეს წევრობა წარმოადგენს მნიშვნელოვან ნაბიჯს საერთაშორისო ინტეგრაციის გზაზე და ქმნის ახალ შესაძლებლობებს:  საერთაშორისო პარტნიორობების გაფართოება; თანამედროვე საგანმანათლებლო პრაქტიკების გაზიარება; პროფესიული პროგრამების განვითარება ევროპული სტანდარტების შესაბამისად. ინტერბიზნესის აკადემია აგრძელებს განვითარებას და მიზნად ისახავს სტუდენტებისთვის კიდევ უფრო ხარისხიანი და საერთაშორისო სტანდარტებზე დაფუძნებული განათლების მიწოდებას.

მიმდინარე წლის 10, 11 და 12 მარტს, პროფესიული უნარების სააგენტოს ორგანიზებით პროფესიულ საგანმანათლებლო დაწესებულებებთან გაიმართა სამუშაო შეხვედრების სერია Erasmus+ პროექტის ფარგლებში: “კარიერის მართვის სერვისების ხარისხის უზრუნველყოფა კარიერის მართვის სპეციალისტების უწყვეტი პროფესიული განვითარების (CPD) მეშვეობით საქართველოს TVET ეკოსისტემაში.” პროექტის ფარგლებში მიმდინარეობს ტრენინგ-კურსის შემუშავება, რომელიც მიზნად ისახავს პროფესიულ საგანმანათლებლო დაწესებულებებში დასაქმებული კარიერის მართვის სპეციალისტების უწყვეტი პროფესიული განვითარების მხარდაჭერასა და კარიერის მართვის სერვისების ხარისხის გაძლიერებას. შეხვედრაზე ინტერბიზნესის აკადემიიდან მონაწილეობდა კარიერული დაგეგმვმის სპეციალისტი, თამარი სანიშვილი.  

„ექთნებისა და მეანი ექთნების პროფესიული განვითარების ეროვნული ეკოსისტემა საქართველოში — CPD, აკრედიტაცია, E-Learning და AI–ციფრული ტრანსფორმაცია ხარისხიანი ჯანდაცვისთვის" კონფერენციას, რომელიც მიმდინარე წლის 28 თებერვალს ჩატარდა და გახდა მნიშვნელოვანი პლატფორმა  განათლებისა და ჯანდაცვის სექტორებს შორის სტრატეგიული თანამშრომლობის გაძლიერებისთვის და ეროვნული CPD სისტემის ფორმირებისათვის, ესწრებოდა ინტერბზინესის აკადემიის „საექთნო საქმის“ პროფესიული საგანმანათლებლო პროგრამის ხელმძღვანელი თათია კაციტაძე.