14 მაისს, ინტერბიზნესის აკადემიაში ტრადიციული,  სტუდენტთა რიგით XIII კონფერენცია ჩატარდა. კონფერენციაზე სტუდენტებმა წარმოადგინეს პრეზენტაციები სხვადასხვა აქტუალურ და საინტერესო თემაზე, გააზიარეს საკუთარი ხედვები და პროფესიული ინტერესები. კონფერენცია იყო საინტერესო დისკუსიებისა და გამოცდილების გაზიარების სივრცე, რომელმაც კიდევ ერთხელ გაუსვა ხაზი სტუდენტური აქტივობების მნიშვნელობას პროფესიულ განვითარებაში. დასასრულს, კონფერენციაზე წარმოდგენილი თემების ავტორებს სერთიფიკატები გაეცათ.  

28 აპრილს ინტერბიზნესის აკადემიაში გაიმართა საინფორმაციო-შემეცნებითი ლექცია თემაზე „თამბაქოსა და ნარკოტიკული ნივთიერებების მავნებლობა და დამოკიდებულება“. ლექციას უძღვებოდა შოთა ოდიშვილი, რომელმაც მონაწილეებს გააცნო თამბაქოსა და ნარკოტიკული ნივთიერებების გავლენა ჯანმრთელობაზე, დამოკიდებულების გამომწვევი ფაქტორები და პრევენციის მნიშვნელობა. შეხვედრა ინტერაქტიულ ფორმატში წარიმართა და მონაწილეებს შესაძლებლობა ჰქონდათ დაესვათ კითხვები და მიეღოთ ამომწურავი ინფორმაცია აღნიშნულ თემაზე.მსგავსი შეხვედრები მნიშვნელოვანია ცნობიერების ამაღლებისთვის და ჯანსაღი ცხოვრების წესის ხელშეწყობისთვის.

ინტერბიზნესის აკადემიაში 24 აპრილს ჩატარდა ტრადიციული შეხვედრა PSP Pharmacy • პსპ აფთიაქი -ს HR დეპარტამენტის წარმომადგენლებსა და აკადემიის "ფარმაციის (სააფთიაქო)" პროფესიული პროგრამის სტუდენტებს შორის. შეხვედრა ინტერაქციულ ფორმატში წარიმართა, რომლის ფარგლებში სტუდენტები გაეცნენ კომპანიაში არსებულ ვაკანსიებს, კარიერული განვითარების შესაძლებლობებსა და სხვა საინტერესო სიახლეებს. ღონისძიებას ასევე ესწრებოდა ინტერბიზნესის აღნიშნული პორფესიული საგანმანათლებლო პროგრამის პრაქტიკული კომპონენტის ხელმძღვანელი, ნატა ჩხაიძე. შეხვედრის შემდეგ სტუმრებმა სტუდენტებს საჩუქრად კომპანიის ქსელში არსებული თავის მოვლის პროდუქტები გადასცეს.