აკადემიაში სტუმრად იმყოფებოდნენ ტერაბანკის ადამიანური რესურსების მართვის და პროცესების ადმინისტრირების განყოფილების ტალანტების მოზიდვის და მართვის ჯგუფის წევრები, რომლებიც შეხვდნენ „საფინანსო სერვისების“ პროფესიული საგანმანათლებლო პროგრამის სტუდენტებს. ტერაბანკი ფინანსური ინსტიტუტია, რომელიც მომხმარებელს მაღალი სტანდარტის პროდუქტებსა და სერვისებს სთავაზობს. სტუმრებმა სტუდენტებს გააცნეს ტერაბანკის მისია და ღირებულებები, ისაუბრეს ბანკის დაფუძნების ისტორიაზე, ბანკში არსებული ვაკანსიებზე სამუშაო აღწერილობების მიხედვით, სტუდენტების და კურსდამთავრებულების დასაქმებასა და კარიერულ განვითარებაზე. სტუდენტებმა დასაქმებასთან დაკავშირებით ყველა კითხვაზე ამომწურავი პასუხები მიიღეს.

აკადემიაში სტუმრად იმყოფებოდნენ ჩვენი პარტნიორი-დამსაქმებლის "ლიბერთი ბანკის" HRM წარმადგენელი და ადმინისტრაციის დეპარტამენტის წინა ხაზის დაგეგმარების განყოფილების უფროსი, თეონა ბარამაძე. სტუმრებმა "საფინანსო სერვისების" პროფესიული საგანმანათლებლო პროგრამის სტუდენტებთან საინფორმაციო-გაცნობითი სახის შეხვედრა ჩაატარეს და წარმოდგენილი პრეზენტაციით გააცნეს ბანკის საქმიანობის სპეციფიკა და ინფორმაცია იმ შესაძლებლობებზე, რომელსაც პროგრამის სტუდენტებს და კურსდამთავრებულებს დასაქმების კუთხით სთავაზობს "ლიბერთი ბაკი". ხაზგასმით აღინიშნა, რომ ბანკში დასაქმებისას პრიორიტეტი ენიჭება ჩვენი აკადემიის "საფინანსო სერვისების" პორფესიული საგანმანათლებლო პროგრამის კურსდამთავრებულებს. დასასრულს, სტუმრებმა სტუდენტებს სიმბოლური საჩუქრები გადასცეს "ლიბერთი ბანკის" ლოგოთი.

20 თებერვალს აკადემიაში სტუმრად იმყოფებოდნენ შპს „პსპ ფარმას“ სააფთიაქო ქსელის HR დეპარტამენტის თანამშრომლები. კომპანია 2018 წლიდან აქტიურად წარმატებით თანამშრომლობს აკადემიასთან და ერთ-ერთი მნიშვნელოვანი პარტნიორია "ფარმაციის (სააფთიაქო)" პროფესიული საგანმანათლებლო პროგრამის სტუდენტების და კურსდამთავრებულების დასაქმების მიმართულებით.შეხვედრას ესწრებოდნენ პროფესიული საგანმანათლებლო პროგრამის ხელმძღვანელი ნატა ჩხაიძე, ადმინისტრაციის წარმომადგენლები და სტუდენტები. სტუმრებმა ისაუბრეს „პსპ ფარმას“ შექმნის ისტორიაზე, კომპანიაში დასაქმებისა და კარიერული წინსვლის სქემაზე, კონკრეტულად სტუდენტებზე მორგებულ დასაქმების პირობებზე, რომელიც გულისხმობს სახელფასო ანაზღაურების და საათობრივ დატვირთვს გრაფიკს, რაც საშუალებას მისცემს მათ, სწავლისაგან მოუწყვეტლად სამუშაო ადგლზე განამტკიცონ აკადემიაში მიღებული თეორიული ცოდნა და უნარ-ჩვევები. შეხვედრა წარიმართა ინტერაქტიურ რეჟიმში, სტუდენტება ამომწურავი პასუხი მიიღეს ყველა მათ საინტერესო კითხვებზე. სტუმრებმა მადლობა გადაუხადეს ინტერბიზნესის აკადემიას კომპანიასთან ნაყოფიერი, მჭიდრო თანამშრომლობისათვის და სტუდენტებზე ზრუნვისათვის მათ დასაქმებაში აქტიურობისა და ჩართულობისათვის. დასასრულს, სტუმრებმა საჩუქრები გადასცეს სტუდენტებს და გაათამაშეს განსაკუთრებული პრიზები. შეხვედრამ საქმიან და გულთბილ ვითარებაში ჩაიარა.