სს "ლიბერთი ბანკმა" პარტნიორი პროფესიული კოლეჯების მხარდაჭერის ფარგლებში, "ტალანტების ფაბრიკაში" პროფესიული საგანმანათლებლო დაწესებულებების პედაგოგებისათვის ჩაატარა ტრენინგი თემაზე - "ეფექტური უკუკავშირი". ტრენინგის მიზანს წარმოადგენდა მონაწილეებისთვის ეფექტური უკუკავშირის მნიშვნელობის გაზიარება. მთავარი სასაუბრო თემები მოიცავდა: ინფორმაციას განვითარებაზე ორიენტირებულ უკუკავშირზე, ძლიერი და განსავითარებელი მხარეების იდენტიფიცირების მნიშვნელოვნებაზე და ა.შ. ტრენინგს ესწრებოდნენ ინტერბიზნესის აკადემიის „საფინანსო სერვისების“ პროფესიული საგანმანთლებლო პროგრამის პროფესიული მასწავლებლები თამარი სანიშვილი და ნათია ცალუღელაშვილი.

10 აპრილს სსიპ განათლების ხარისხის განვითარების ეროვნული ცენტრის ორგანიზებით პროგრამის „პროფესიული განათლების სისტემის მოდერნიზება საქართველოს სოფლის მეურნეობაში (VET ფაზა 3)“ პროექტის ფარგლებში,  სასტუმრო „შერატონ  მეტეხი პალასში" ჩატარდა ტრენინგი ხარისხის მართვის  მენეჯერებისთვის. ტრენინგი მიეძღვნა  შემდეგი საკითხების განხილვას: ავტორიზაციის გამოწვევები და სიახლეები ხარისხის მართვის მენეჯერებისათვის; ხარისხის განვითარების ეკოსისტემა: დაგეგმვა, განხორციელება, მონიტორინგი და გაუმჯობესება; პროფესიული პროგრამების შრომის ბაზართან შესაბამისობის დადასტურება;შრომის ლოკალური ბაზრის კვლევა და ეროვნული კვლევების ანალიზი; ეფექტიანი კომუნიკაციის თანამედროვე ხერხები და მეთოდები; კლიმატ გონივრული სოფლის მეურნეობა; ეფექტიანი კომუნიკაცია, ლიდერიბა და დროის მართვა. ტრენინგს ესწრებოდნენ შპს ინტერბიზნესის აკადემის ხარისხის მართვის სამსახურის უფროსი ნაზი წიბლიაშვილი და სასწავლო პორცესის მართვის სამსახურის უფროსი ლიანა ბინიაშვილი.

სკოლამდელი აღზრდის“ პროფესიული საგანმანათლებლო პროგრამის სტუდენტის, ელენე ზურაბიშვილის ინიციატივით და ორგანიზებით, 7 აპრილს ჩატარდა შეხვედრა მხატვართან, პუბლიცითან და მწერალთან, წიგნის "ცრემლში ნალესი ხმალი“, ავტორთან, ნიკო ხერკელაძესთან. შეხვედრამ, რომელიც მიეძღვნა გიორგი სააკაძის პიროვნებას და მისი მოღვაწეობის შეფასებას, დიდი ინტერესი გამოიწვია და დისკუსიის ფორმატში ჩაიარა, სტუდენტების, ადმინისტრაციული პერსონალის და მოწვეული სტუმრების: მედიცინის მეცნიერებათა დოქტორის, ნინო ანდრონიკაშვილის, გენარალ მაიორის, ალეკო მიქაბერიძის, ნიკო ნიკოლაძის პრემიის ლაურიატის, დამსახურებული ფილოლოგის, მერაბ ბალაშვილის და საზოგადოება „ზღვარის“ წევრის, პოეტი სერგი ლომაძის ჩართულობით, რომლებმაც ძალიან მაღალ დონეზე შეაფასეს ნიკო ხერკელაძის მოღვაწეობა. პოეტმა, სერგი ლომაძემ წაიკითხა პატრიოტულ თემაზე დაწერილი საკუთარი ლექსი, რომელიც სრულიად შეესაბამებოდა შეხვედრის სულისკვეთებას. შეხვედრს ბოლოს, აკადემიის სასწავლო პროცესის მართვის სამსახურის უფროსმა, ლიანა ბინიაშვილმა სტუმრებს საჩუქრები გადასცა ინტერბიზნესის აკადემიის სიმბოლიკით.