აკადემიაში ჩამოყალიბდა ჯგუფი სახელწოდებით "ვაჩუქოთ მომავალს ღიმილი", რომელიც პროფესიული პროგრამების თითქმის ყველა სტუდენტს აერთიანებს და მისი საქმიანობა საქველმოქმედო, კულტურულ-საგანმანათლებლო და სპორტული მიმართულებებით განხორციელდება. ჯგუფის ჩამოყალიბების ინიციატივა სადაზღვევო აგენტის პროფესიული პროგრამის სტუდენტებს ეკუთვნით. სწორედ მათი ძალისხმევით შეგროვდა პროდუქტები, ტანსაცმელი, საოჯახო ნივთები და თანხა, რომელიც გადაეცა სოციალურ დაუცველ და მზრუნველობამოკლებულ ოჯახს.