კარიარული დადეგმვის ფარგლებში აკადემიაში სტუმრად იმყოფებოდნენ პსპ ფარმას“ HR დეპარტამენტის წარმომადგენლები მარიამ თევდორაძე, ანა ჭითანავა და მარიამ ოძელაშვილი. „პსპ ფარმა“ 2018 წლიდან აქტიურად და წარმატებით თანამშრომლობს აკადემიასთან და ერთ-ერთი მნიშვნელოვანი პარტნიორია სტუდენტების და კურსდამთავრებულების დასაქმების მიმართულებით. შეხვედრას ესწრებოდნენ „ფარმაციის (სააფთიაქო)“ პროფესიული საგანმანათლებლო პროგრამის ხელმძღვანელი ნატა ჩხაიძე, სტუდენტები და აკადემიის ადმინისტრაციის წარმომადგენლები. სტუმრებმა ისაუბრეს კომპანიაში დასაქმებისა და კარიერული წინსვლის სქემაზე. შეხვედრა მიმდინარეობდა ინტერაქტიურ რეჟიმში, სტუდენტებმა ამომწურავი პასუხები მიიღეს მათთვის საინტერესო საკითხებზე. სტუმრებმა მადლობა გადაუხადეს მასპინძლებს შპს „პსპ ფარმასთან“ ნაყოფიერი, მჭიდრო თანამშრომლობისათვის და სტუდენტებზე ზრუნვისათვის მათ სწავლა-დასაქმებაში აქტიურობისა და ჩართულობისათვის. დასასრულს, კომპანიის წარმომადგენლებმა გაათამაშეს განსაკუთრებული პრიზები და კომპანიის ბრენდირებით საჩუქრები გადასცეს სტუდენტებს. შეხვედრამ საქმიან და გულთბილ ვითარებაში ჩაიარა.
შეხვერდა შპს "პსპ ფარმას" წარმომადგენლებთან
სიახლეები
13 მარტი, 2024